Açlıq häm qorılıqqa qarşı plan äzerlände

Madagaskar xökümäte ildäge açlıq häm qorılıqqa qarşı ğadättän tış xäl planı äzerläde.

Taolagnaro töbägendä atna azağında açlıq häm qorılıqqa çişeleş tabu maqsatı belän oyıştırılğan regional’ konferenŝiyada däwlät başlığı Êndri Radjolina häm prem’yer-ministr Kristian Ntsay belän ber rättän şaqtıy yuğarı däräcäle räsmi zat qatnaştı.

Açlıq probleması belän bergä küp kenä qıyınlıq belän oçraşqan ilneñ kön’yaq töbägendäge problemalarnı çişü maqsatı belän çınğa aşırılğan konferenŝiyada qatnaşuçılar ğadättän tış xäl planın qabul itte.

Planğa kürä çista su öçen Êfaxo yılğasınnan Ambovombe töbägenä qadär ütkärgeç ütkäreläçäk.

Açlıq probleması öçen isä ixtıyac toyılğan töbäklärdä tuqlanu häm reabilitaŝiya üzäkläre qorılaçaq.