Makronnıñ yañağına suğuçı xökem itelde

Ul 28 yäş'lek moñarçı hiç xökemgä tartılmağan sportçı bulıp çığa

1655831
Makronnıñ yañağına suğuçı xökem itelde

Franśiyädä ilbaşı Êmmanuêl’ Makronnıñ Tayn-l Êrmitaj şähärenä säfäre waqıtında yañağına suğuçığa 18 ay törmä cäzası birelde. Anıñ 14 ayı - şartlı räweştä.

Valensiya mäxkämäsendä qaralğan êştä prokuror Aleks Perrin höcüm itüçe Damiên Tarelnı 18 ayğa törmägä xökem itüne soradı. Monnan tış, ul 28 yäş’lek ğayeplene däwlät xezmätenä kerü häm tawış birü xoquqınnan mäxrüm itüne, 5 yıl qoralğa iyä buluın da tıyunı taläp itte.   

Tarel üzen yaqlap çığış yasağanda Makronnı ilneñ tübän tägäräweneñ simvolı buluın belderde, yañağına suğunı aldan planlaştırmawın söyläde.

Mäxkämä anı cäzasınıñ 4 ayın uzdıru öçen törmägä cibärde.

Franśiya qanunnarında oxşaş cinayät’lär öçen iñ kübe 3 yıl törmä häm 45 meñ yevro ştraf qarala.



Bäyläneşle xäbärlär