Cinayät'çelär dä, alarnıñ zinnätle maşinaları häm kripto millionnarı da qulğa töşerelde

Awrupa Berlege poliśiyä oyışması Europol şifrlanğan êlemtä çeltärlären qullanıp dön’ya külämendä êşçänlek alıp baruçı cinayät’çel törkemnärgä qarşı operaśiyälärdä 800 keşeneñ qulğa alınuın belderde.

Operaśiyälärgä “Troya qalqanı” iseme birelä. Anıñ qısalarında 700 öydä tentü ütkärelä.

Belderüdä äytelgänçä, operaśiyälär AQŞnıñ Federal’ tikşerü byurosı FBR häm 16 ilneñ iminlek köçläre belän bergä alıp barıla. Anda 100dän artıq däwlättä qırın êşlär başqarğan cinayät’çel oyışmalarğa çik quyu maqsat itep alına.

Operaśiyälär barışında 8 tonna kokain, 22 tonna kinder orlığı, 2 tonna sintetik narkotik, 6 tonna narkotik yasawda qullanıluçı matdä, 55 zinnätle maşina häm 48 million dollar kripto aqça qulğa töşerelä.

FBRnıñ oyışqan cinayät’çelekne tikşerü bülege mödire urınbasarı Kêlvin Şivers bu xaqtağı belderüendä bolay dide: “Cinayät’çel oyışmalar iminlek saqçılarınnan qaçu öçen şifrlanğan êlemtä çeltärlären qullansa da FBR häm Europol yaña ısullar belän bu problemanı çişüen däwam itäçäk”.