Xarris Gvatemalanı kisätte

Räsmi wäkil üzeneñ berençe çit il säfären näq’ menä älege ilgä yasadı

1653869
Xarris Gvatemalanı kisätte

Amerika Quşma Ştatlarında viśe-prezident Kamala Xarris ilgä qanunsız yullar belän kergän Gvatemala qaçaqlarınıñ üz däwlätlärenä kire cibäreläçägen belderde. Räsmi wäkil üzeneñ berençe çit il säfären näq’ menä älege ilgä yasadı. Anı Gvatemala däwlät başlığı Alexandro Djammattei Milli sänğat’ sarayında qabul itte. Räsmi zatlar oçraşudan soñ urtaq matbuğat cıyılışı uzdırdı.

Djammattei soñğı waqıtta migrant krizisınıñ artuın häm zur problemağa äwerelüen assızıqladı. “Bergä başqarırğa kiräkle küp närsä bar. Keşelärneñ monda yäşäw forsatı tabuları häm başqa cirdän êzlämäwläre kiräk,”-dide ul.

Xarris isä bu säfäreneñ säbäbeneñ Gvatemala belän qanunsız migraśiya, köç qullanu häm rişwätçelek mäs’äläläre xaqında söyläşü buluın äytte. Ul älege ildän AQŞqa qaçaq räweştä kilüçelärneñ kire cibäreläçäge turında kisätte.



Bäyläneşle xäbärlär