Makronnıñ yañağına suqtılar

Bu xäl Franśiya buylap säfär yasağan waqıtta bula

1654146
Makronnıñ yañağına suqtılar

Franśiya ilbaşı Êmmanuêl’ Makron Drom töbägenä säfäre waqıtında  höcümgä duçar buldı. Ul il buyınça tur yasıy. Tayn-l Êrmitaj şähärendä turizm-qunaqxanäçelek liśeyında bulğannan soñ üzen kötep toruçı xalıq yanına sälam birü öçen yaqınlaşa. Şundağı keşe ber qulı belän Makronnıñ qulın tota, ikençese belän ilbaşınıñ yözenä çıltıratıp suğa.

Saqçılar şunda uq aralarına kerä. Yelisey sarayı waqıyğanı “yañaqlawğa kereşü” bularaq bäyäli.

Franśiyä matbuğatı bu xäl belän bäyle räweştä ike keşeneñ saq astına alınuın yaza.

Makron uzğan atnada Lot töbägenä ike könlek säfär yasağan ide. Anıñ “Franśiyä turı” dip atağan häm ikençesen Dromğa yasağan älege säfärlären oppoziśyä saylaw aldı kampaniyäse bularaq bäyäli.



Bäyläneşle xäbärlär