Bal qortların yuqqa çığaruçı çir taraldı

Bal qortları yuqqa çıqsa, alar belän bergä meñnärçä üsemlek häm can iyäläre dä betäçäk

1653172
Bal qortların yuqqa çığaruçı çir taraldı

Kön’yaq Afrikada bal qortları arasında çir taraldı häm älege can iyälären yuqqa çığaru belän yanıy başladı.

Moña qadär bal qortları global’ cılınu, tabiğat’neñ pıçranuı häm keşe faktorı arqasında ülä ide. Xäzer gömbä awıruı da älege isemlekkä östälde.

NTVneñ xäbärenä qarağanda, Kön’yaq Afrikada umartalıqlarda taralğan çir borçu tudıra. Anıñ Amerika Quşma Ştatlarınnan kiterelgän ber gömbä törennän kilep çığuı belderelä. Näticädä 2009nçı yıldan birle ildäge bal qortlarınıñ öçtän bere hälaq bulğan.   

Kön’yaq Afrika ğalimnäre bu çirneñ umartalardağı käräzlärneñ formasın häm tösen üzgärtüen äytä.

Bilgele bulğança, meñnärçä üsemlek töre bal qortları yärdämendä serkälänä. Ägär bu can iyäläre yuqqa çıqsa, üzläre belän bergä üsemleklärne genä tügel, alar belän tuqlanuçı başqa qoş-qort häm xaywannarnı da Cir yözennän alıp kitäçäk.



Bäyläneşle xäbärlär