Sinovak vakśinasın balalarğa qadıylar

Qıtay anı 3 yäş’tän 17gä qadärge balalarda qullanırğa röxsät birde

1652359
Sinovak vakśinasın balalarğa qadıylar

Qıtayda Sinovak vakśinasın balalarda qullanu röxsät itelde. Älege koronavirusqa qarşı preparatnı 3 yäş’tän 17gä qadärge balalarğa qadıy alalar.

Belderüne Sinovak şirkäteneñ yuğarı idaräçese Yin Weydong yasadı. Ul Qıtay däwlät şurasınıñ awırularnı kontrol’dä totu häm profilaktikalaw urtaq mexanizmınnan röxsät aluların äytte.

Vakśinanı balalarğa qayçan qadıy başlawları älegä belderelmäde.

Bötendön’ya sälamätlek saqlaw oyışması Qıtayda yasalğan Sinovak vakśinasın 1nçe iyün’dä aşığıç qullanu isemlegenä kertte.

Awrupa daru agentlığı isä Biontex/ Pfayzer vakśinasın 12 yäş’tän 15kä qadärge balalar törkemendä qullanuğa röxsät birgän ide.



Bäyläneşle xäbärlär