Germaniyädä mäçetlärgä qarşı närsä äzerlilär?

Germaniyäneñ Kassel şähärendä üzen tikşerenüçe dip atawçı törkemneñ regiondağı mäçet häm ğıybadätxanälärne kartada bilgeläp internetqa quyuı bilgele buldı. Anı “İslamçılık kartası Kassel” dip atağannar. Kartada mäçetlär anı açqan däwlätlärneñ bayraqları belän bilgelängän häm härber ğıybadätxanä xaqında centekle mäğ’lümat yazılğan.

Bu kartanı yasağan Kassel tikşerenü törkemeneñ internet säxifäsendä Kassel töbägeneñ “säyäsi islamçılıq”nıñ märkäze buluı alğa sörelä häm möselman cämäğat’lären tänqıyt’läwçe süzlär urın ala.

Avstriyäneñ başqalası Venada da oxşaş karta çığarılğan ide. Şunnan soñ mäçetlärgä yaqın urınnarda “İğ’tibar, säyäsi İslam yaqınıñda, kübräk mäğ’lümat öçen - İslam kartası” dip yazılğan taqtalar êlende. Anda saqallı häm tübätäyle ir-at räseme dä urın ala. Bu xälne faşist Germaniyäse çorında yähüdlärneñ êş urınnarı işarätlänüenä oxşatıp tänqıyt’läwçelär küp buldı.