“Super çäçäk qanlı Ay” kötelä

Bügen tönlä Cirdä yäşäwçelär kük yözendä “Super Ay” dip atalğan küreneş belän tulısınça Ay totıluın ber’yulı küzätä alaçaq.

Mayda barlıqqa kilüe öçen “Super Ay”nı “çäçäk” dip tä atıylar, ä totılu waqıtında iyärçenneñ qızıl töskä kerüenä “Qanlı ay” digän isem birelde.  Barısın bergä quşqaç “Super çäçäk qanlı Ay” kilep çığa. Älege kük tamaşası bıyılnıñ berdänber Ay totıluı bulaçaq.

Astronomnar anı Tön’yaq Amerikanıñ könbatış töbäklärendä, Meksika, Üzäk Amerika däwlätläre, Perunıñ könbatışı, Çili häm Argentinanıñ kön’yağı, Avstraliyäneñ könçığışı, Yaña Zelandiyä häm Tın okeannıñ könçığışındağı utrawlarda küzätergä mömkin bulaçağın belderä.