Putin belän Bayden kiläse ayda oçraşa

Rusiyä däwlät başlığı Vladimir Putin belän Amerika Quşma Ştatları ilbaşı Djo Bayden 16nçı iyün’dä Şveyśariyäneñ Jeneva şähärendä küreşäçäk. İke lidernıñ täwge küzgä-küz oçraşuı turında belderülär Kreml’dän dä, Aq Yorttan da yasaldı. Putin belän Baydennıñ könüzäk mäs’älälär belän koronavirus kizüe häm regional’ bäreleşlär xaqında fiker alışaçağı uylanıla.

16nçı iyün’dä Jenevada oçraşu qararı Mäskäw belän Vaşingtonnıñ aylar buyı däwam itkän “küreşü öçen uñay 3nçe däwlätne êzläw”ennän soñ çığarıldı.

Baydennıñ mart ayında yasağan ber çığışında Putinnı “üterüçe” dip atawı häm annan soñ kilgän sankśiyälär ike däwlät arasındağı kiyerenkelekne arttırğan ide.