Êntoni Blinken Ramallaxqa räsmi säfär yasadı

AQŞ däwlät särqatibe anda qayber möhim belderülär yasadı

1645792
Êntoni Blinken Ramallaxqa räsmi säfär yasadı

AQŞ däwlät särqatibe Êntoni Blinken ileneñ Fälästin belän mönäsäbätlären qarawçı Qudüstäge konsullığınıñ qabat açılaçağın belderde. Ul basıp alınğan Fälästingä räsmi säfär yasadı häm däwlät başlığı Maxmut Abbas belän oçraştı. Blinken soñınnan matbuğat cıyılışı ütkärde häm AQŞnıñ Ğazzägä 5 million yarım dollarlıq aşığıç yärdäm, xalıqara oyışmalarğa isä 32 million dollar cibäräçägen ätte.  

“İzrail belän fälästinlelär arasında tağın da zurraq dähşätkä kiterüçe här ber’yaqlı programmalarğa qarşı çığunı däwam itäçäkbez,”-dide Blinken.

AQŞ däwlät särqatibe Ramallaxqa Tel’-Avivtan kilde. Anda ul İzrail xökümäte räise Bin’yamin Netan’yaxu belän oçraşqan ide.

Ramallaxtan soñ Blinken, Yaqın Könçığış säfären däwam itep, Misırğa yul tota.



Bäyläneşle xäbärlär