Şähit sanı 253 kä citkän
Bu xaqta Fälästin sälamätlek saqlaw ministrlığı belderä
İzrailneň Ğazzägä höcümnärendä yaralanğan 2 fälästinleneň xastaxanädä ğomere özelgän.
Grajdannar saqlanu törkemnäre Xan Yunısnıň könçığışında xäräbälärne çistartu êşçänleklärendä höcümnärdä şähit bulğan 4 keşeneň mäyeten tapqan.
Ğazzädäge Fälästin sälamätlek saqlaw ministrlığı mäğ’lümatlarına qarağanda, İzrailneň Ğazzagä höcümnärendä şähit bulğan keşe sanı 253 kä citkän. Bolardan 66 sı balalar, 39 ı xatın - qızlar.
İzrailneň 10 nçı mayda başlatqan Ğazzägä höcümnäre Xamas belän täêmin itelgän utnı tuqtatu kileşüe nigezendä 21 nçe mayda tämamlanğan ide.
İzrail ğaskärläre basıp alınğan Yordannıň könbatış üzänlegendä 16 yäş’lek malaynı İzrail maşinalarına taş ırğıtuda ğayepläp ut açqan häm anı yaralağan.
İzrail poliśiyäse basıp alınğan Qudüsneň tön’yağındağı Beyt Xanina cirlegendä 10 yäşendäge fälästinle balanı qulğa alğan.
Waqıyğa şahitları äytkänçä, poliśiya balanı berniqadär waqıt maşinasında utırtqannan soň kire cibärgän.
Fälästinle balanı nigä qulğa aluları xaqında mäğ’lümat yuq.
Bäyläneşle xäbärlär
Franśuz diplomatları persona non-grata itep iğlan itelde
Burkina-Faso 3 franśuz diplomatın persona non-grata itep iğlan itte