Metrodağı hälakättä yaralanuçılar arasında awır xäldägelär bar
Malayziya wäqalätleläre sośial’ media aşa qazada zarar kürüçelär xaqında mäğ’lümat birde
1645172

Malayziyanıñ başqalası Kuala-Lumpurda metroda ike poyızd bäreleşü näticäsendä yaralanğan 213 keşeneñ 6sı bik awır xäldä. Federal’ töbäklär ministrı Annuar Musa sośial’ media aşa qazada zarar kürüçelär xaqında mäğ’lümat birde. Ul awır xäldäge 6 keşedän 3seneñ intubaśiyälänüen citkerde. Ministr äytüençä, 15 keşe ülem belän köräştä ciñde, 43 yaralanuçınıñ xäle yaxşı häm xastaxanädä däwalanuları däwam itä.
İlneñ transport ministrı hälakättä yaralanğan yulçılarnıñ härbersenä aqçalata yärdäm bireläçägen belderde.
Kuala-Lımpurdağı metro yulında yulçı taşuçı yörtüçesez poyızd qarşığa kilüçe buş poyızd belän bäreleşkän ide. Transport ministrlığı monıñ êlemtä xilaflıqlarınnan kilep çığuın belderde. Poliśiyä tikşerü êşe alıp bara.