Rusiyädä śirkta qanlı waqıyğa
Ana arıslan tamaşa waqıtında höcüm itä
1644661
Rusiyada śirktağı ber tamaşa waqıtında ana arıslan öyrätüçesenä höcüm itte. Bu Novosibirsk şähärendä kilep çığa. Öyrätüçe qulındağı tayağı belän ike arıslanğa yünäleş birergä mataşqanda kisäk kenä höcümgä duçar bula.
Tamaşaçılar zur qurqu kiçergän arada dressirovçik suıq qanlılığın saqlap arıslannı yırağayta ala. Ämma yırtkıç xaywan ikençe tapqır höcüm itä. Täcribäle öyrätüçe annan da qotıluğa ireşä. Ayağına basıp çitlek êçennän çığa.
Qulı häm ayaqlarında yırtılğan yaraları bulğan śirk xezmätkären aşığıç yärdäm maşinası belän xastaxanägä alıp kitälär. 5 yäş’lek ana arıslan isä monnan soñ tamaşalarda qatnaşmayaçaq, anı zooparkka cibärdelär.
