N’yiragongo şartladı
Kongodağı älege yanartaw yanındağı şähär Gomadan keşelär qaça
1643985
Kongo Demokratik Cömhüriyätendä urnaşqan häm Afrikanıñ iñ aktiv yanartawlarnıñ berse – N’yiragongo şartladı. Yanaw astındağı Goma şähärendä êvakuaśiyä êşçänlege däwam itä. Anda barlığı 1 million yarım keşe yäşi. Qayberäwlärneñ äyberläre belän bergä kürşe däwlät Ruanda çigenä taba kitüläre kürengän.
Kongo xökümäte süzçese Patrik Muyaya sośial’ media xisabınnan yasalğan belderüdä “Xökümät Gomadağı wäzğıyät’ne yaqınnan küzätä” dide.
N’yiragongo yanartawı monnan alda 2002nçe yılda şartlağan ide. Ul waqıtta 250 keşeneñ ğomere özelä. Gomada 120 meñ keşe öysez qala.