İtaliyädäge qazada ülüçelär sanı arttı
Anda funikulyer vagonı cirgä kilep töşte
İtaliyäneñ tön’yağında Streza-Mottarone funikulyer vağonı kilep töşü arqasında kimendä 13 keşeneñ ğomere özelde. Waqıyğada awır yaralanğan 2 keşene boralaqlar belän Torinodağı xastaxanägä alıp kitkännär.
Waqıyğa P’yemonte töbägendäge Madjore küle tiräsendä bula. Funikulyer kül yarındağı Streza şähärçegen Mottarone cirlege belän totaştıra. Vagonnıñ baru noqtasına 300 metr qalğanda urman êçenä kilep töşüe belderelde. Qazanıñ säbäbe älegä bilgele tügel.
Xökümät yortınnan belderülärençä, prem’yer-ministr Mario Dragi asqorma ministrı Ênriko Djiovannini häm grajdanlı saqlanu wäqalätleläre belän faciğanı yaqınnan küzätep bara.
“Streza-Mottarone funikulyerındağı faciğale waqıyğa xäbäre mine tirän qayğığa saldı. Qorbannarnıñ yaqınnarına böten xökümätneñ täğ’ziyälären citkerdem. Uylarım belän min yaralanğan balalar häm ğailäläre yanında,”-dide Mario Dragi.
Bäyläneşle xäbärlär

Baltıyq buyı däwlätläre Rusiyä êlektrın qullanudan tuqtadı
Êstoniya, Litva häm Latviyä Awrupa Berlegeneñ êlektr çeltärenä totaştı