Ğazzädä ut tuqtadı

Utnı tuqtatu kileşüe tönlä ğamälgä kerde

1642977
Ğazzädä ut tuqtadı

İzrail belän Xamas arasında Misır aradaşçılığı belän tözelgän ike yaqlı häm ber ük waqıtlı kileşü tönge sägät’ 2dä ğamälgä kerde.

İzrail matbuğatında urın aluçı xäbärlärgä kürä İzrail İminlek kabinetı blokada astındağı Ğazzädä 10 maydan birle däwam itüçe höcümnärne beterep, utnı tuqtatunıñ urnaştırıluı öçen ütkärelgän tawışqa quyunı qabul itte.

Xamas süzçese Sami Êbu Zuxri dä İzrail belän Ğazzädä utnı tuqtatunıñ cirle sägät’ belän bügen tönlä 2dä başlanaçağın äytkän ide.

İzrail xärbi oçqıçları utnı tuqtatuğa ber sägät’ qala Ğazzägä höcümnären däwam itterde.

İslami Cihad xäräkäteneñ qorallı törkeme dä höcümnärgä cawap bularaq Ğazzä tirä-yağındağı töbäklärgä raketa ırğıtuların açıqlağan ide.

Utnı tuqtatu kileşüe ğamälgä kergännän soñ Ğazzä häm yawlaw astındağı Yordannıñ Könbatış üzänlegendäge fälästinlelär uramnarğa çığıp, söyeneçlären urtaqlaştı.



Bäyläneşle xäbärlär