Dön'yadağı iñ zur aysberg barlıqqa kilde
Uêddel diñgezendäge boz qatlamınnan zur kisäk ayırılıp kitä
Antarktikada dön’yadağı iñ zur aysberg barlıqqa kilde.
Awrupa ğaläm agentlığı Uêddel diñgezendäge boz qatlamınnan zur kisäkneñ ayırıluın belderde. Näq’ menä ul dön’yadağı iñ zur aysberg buldı.
A-76 dip ataluçı älege boz tawı yaqınça 4 meñ 320 kvadrat kilometr öslekkä iyä. Ul 175 çaqrım ozınlığında häm 25 çaqrım kiñlegendä.
Aysberg Ronni boz şel’fınnan ayırıldı häm anı berençe bulıp Angliyä Antarktika tikşerenüläre belgeçläre kürep aldı. Şul uq waqıtta boz kisägen qotıp orbitasında äylänüçe ike iyärçenle Kopernikus Sentinel-1 dä töşerep aldı. Älege videolarnı qullanıp AQŞnıñ boz märkäze aysbergnıñ barlığın rasladı.
Bäyläneşle xäbärlär
"İzrailneñ Ğazzägä yärdämnärne totqarlawı - suğış cinayäte"
Bu xaqta BMOnıñ Keşe xoquqları yuğarı komissarı Volker Türk belderde
Amerika BMO xisabın oşatmadı
AQŞ İzrailneñ genośid başqaruın açıqlawçı xisapnıñ antisemit xarakterda buluın alğa sörde