İzrailneñ xoquq bozuların söyläşü öçen aşığıç cıyılışlar uza

Xalıqara oyışmalar kiyerenkelekne kimetü yulların häm fälästinlelärne yaqlaw xaqında fiker alışaçaq

1637222
İzrailneñ xoquq bozuların söyläşü öçen aşığıç cıyılışlar uza

BMOnıñ iminlek şurası, İslam xezmättäşlek oyışması häm Ğaräp parlamentlararası berlege İzrailneñ Könçığış Qudüstä fälästinlelärneñ xoquqların bozuı xaqında söyläşü öçen cıyılaçaq.  

BMO iminlek şurasınıñ utırışı bügen aşığıç räweştä uza häm yabıq bulaçaq.  

İslam xezmättäşlek oyışması da Fälästin sorawı buyınça irtägä daimi wäkillär belän çirattan tış cıyılış uzdıraçaq. Anda İzrailneñ Qudüstäge xoquq bozuları, Şäyex Cärrax mäxälläsendä fälästinle ğailälärneñ öylärennän çığarıluı, Äl-Aksa mäçete häm başqa izge urınnarğa, anda ğıybadät qıluçılarğa höcümnär xaqında söyläşäçäklär.

Ğaräp parlamentlararası berlege isä Yordaniya taläbe belän Misırnıñ başqalası Kahirädä çirattan tış utırışqa cıyıla. Anda soñğı waqıyğalar qısasında fälästinlelärne yaqlawçı poziśiyä alu turında süz baraçaq.



Bäyläneşle xäbärlär