750 mäyet yök maşinasında saqlana

AQŞnıñ N’yu –York şähärendä ber yıldan artıq kümelmägän mäyetlär maşina suıtqıçlarında saqlana

1636597
750 mäyet yök maşinasında saqlana

AQŞnıñ N’yu –York şähärendä uzğan yıl koronavirustan ülgännär öçen quyılğan suıtqıçlı yök maşinalarında äle xaman 750 mäyetneñ toruı bilgele buldı. “The City” oyışmasınıñ säxifäsendäge belderügä qarağanda, älegä waqıtlıça morg bularaq qullanılğan treylerlar Bruklinnıñ 39nçı uram pirsında tora. Qayçan töbäktäge ziratlarğa kümeläçäge bilgele bulmağan 750 koronaviruslı keşeneñ mäyete 1 yıldan artıq şularda saqlana.

“The City” oyışması 2020nçe yılnıñ aprelennän birle tikşerenü alıp bara. Alar yök maşinalarında totıluçı yözlägän gäwdäneñ qayçan kümeläçäge xaqında bernindi mäğ’lümatnıñ bulmawın açıqlıy. Töp mediśina êkspertizası ofisı komissarı urınbasarı Dina Maniotis N’yu-York şähäre qanun çığaru organı utırışında: “Qala idaräse tizdän bu mäyetlärneñ sanın kimetergä tırışaçaq häm ğailälärgä transferlar xaqında mäğ’lümat bireläçäk,”-dip söyläde.

Maniotis äytüençä, yök maşinalarında totıluçı mäyetlärneñ yaqınnarınıñ kübese ofis belän êlemtäne özgän. Alar Kovid-19 waqıtında meñnärcä az keremle yäisä yaqını bulmağan keşe kümelgän N’yu-Yorknıñ Xart İsland utrawına cirlänäçäk.



Bäyläneşle xäbärlär