Kovid-19 testların yuıp qabat qullanğannar
İndoneziyada ber firma xalıqara cäncal çığarırlıq êşlärdä ğayeplänä
İndoneziyanıñ Kualanamu xalıqara aêroportında koronavirus testlarınıñ yuılıp törle keşelärdä qabat qullanıluı bilgele buldı. Anda xezmät kürsätüçe “Kimia Farma” mediśina tovarları firması analiz alu öçen qullanıluçı tayaqçıqlarnı yuıp kipterep qabat satqan. Poliśiyä farazlawınça, älege testlardan 9 meñ keşe faydalanğan. Şirkät idaräçese häm 4 xezmätkärne saq astına alğannar.
“Kimia Farma” şirkäten älege 9 meñ yulçınıñ kiñ külämle xalıqara mäxkämälärgä biräçäge uylanıla.
İndoneziyada yulçılar hawa yulı belän säyäxät itü öçen tamaqtan alınğan test tapşırırğa tiyeş. Cirle mediada qayberäwlärneñ yalğış pozitiv näticälär aluları turındağı şikayät’läre päyda bula. Şunnan soñ poliśiyä yulçı qıyäfätendä operaśiyä oyıştıra.
Şöbhälelär sälamätlek häm qullanuçı qanunnarın bozuda ğayeplänä. Şirkätneñ yalğan yul belän yaqınça 1 milliard 800 million rupi (203 million TL) yanda qaldıruı assızıqlana.
