Baydennıñ Kongressta täwge çığışı

AQŞ ilbaşı ilneñ êçke häm tışqı säyäsäte xaqında söyläde

1630651
Baydennıñ Kongressta täwge çığışı

AQŞ ilbaşı Djo Bayden Kongresstağı berençe çığışında ilneñ êçke häm tışqı säyäsäte xaqında söyläde. Ul 2021nçe yılnıñ 20nçe ğıynvarınnan birle täwge tapqır Senat häm Wäkillär palatası äğ’zaları qarşında çığış yasadı.

Bayden “Böyek depressiyä” - 1929nçı yılğı Bötendön’ya iq’tisadi krizisınnan soñ iñ naçar xälgä töşülären äytte. Ul ildäge barlıq mömkinleklärneñ koronavirusqa qarşı vakśina öçen mobilizaśiyälänüen citkerde.

Bayden tışqı säyäsät mäs’äläsendä dä ähämiyätle süzlär birüen xäterlätte.

“Qıtay däwlät başlığı Si Śzin’pin belän telefon aşa söyläşkändä dä äyttem: köndäşlekne şatlanıp qabul itäbez häm bäreleşlär telämibez,”-dide ul.

Bayden Rusiyä däwläte başlığı Vladimir Putin belän telefonnan söyläşkändä dä kiyerenkelek telämäwen, ämma ğamälläre öçen cawap birergä kiräk bulaçağın äytkän.

“Rusiyäneñ saylawlarıbızğa tıqşınuına, xökümätebez häm biznesıbızğa kiber höcümnärenä proporśional’ cawap birdek. Ämma urtaq mänfäğat’lärgä kilgändä, xezmättäşlek itä alabız. Putin bezneñ kiräkle cawaplarnı biräçägebezne bik yaxşı añladı,”-dide Bayden.

AQŞ ilbaşı İran häm Tön’yaq Koreya atom-töş programmalarınıñ dön’ya öçen citdi yanaw buluın assızıqladı. “Bu illär kiterep çığarğan yanawlarğa qarşı diplomatiya aşa köräşü öçen berlektäşlärebez belän bergä êşlibez”.

Bayden Äfğanstandağı xärbilärgä “öygä qaytırğa waqıt citte” dide. “Bügen bezneñ watanıbızda iñ zur yanaw aq rasaçılıq,”-dide ul.

İlbaşı ildä qoral satu mäs’äläsendäge qanun buşlıqların yabarğa tırışaçaqların belderde.

Bayden migrantlar temasına da tuqtaldı. “30 yıl inde säyäsätçelär migraśiya reforması turında söyli, ämma berni êşlänmi. Monı tözätü waqıtı citte,”-dide ul.



Bäyläneşle xäbärlär