Äfğanstanğa 300 million dollar birelä

AQŞ Äfğanstannan xärbilären çığarırğa, ämma yärdämnären däwam itärgä niyätli

1626395
Äfğanstanğa 300 million dollar birelä

AQŞ däwlät särqatibe Êntoni Blinken Äfğanstanğa 300 million dollar östämä yärdäm yasalaçağın belderde. İlneñ 11nçe sentyabr’gä qadär andağı ğaskärlären tulısınça çığaru qararı turında söyläşülär däwam itä. Blinken bu mäs’älä belän bäyle belderüendä Vaşingtonnıñ Qabulnı yärdämnän taşlamayaçağın citkerde.

“Äfğanstan xalqına yärdäm yäisä investiśiyä wäğ’dälärebezneñ ber öleşe bularaq 2021nçe yılda AQŞ däwlät departamentı häm Xalıqara üseş agentlığınnan 300 million dollarlıq östämä finans birü öçen Kongress belän êşlibez,”-dide Blinken. Ul älege aqçalarnıñ Äfğanstan xalqına kürsätelüçe grajdanlı xezmätlärne üsterü öçen totılaçağın äytte.



Bäyläneşle xäbärlär