15 yıl buyı êşkä barmıyça aqça ala

İtaliyada ber xastaxanä xezmätkäreneñ 15 yıl buyı êşkä kitmiçä xezmät xaqı alıp yatuı bilgele buldı. Bu xäl Katanzaro şähärendä kilep çığa. Çaçço xastaxanäsendäge xezmätkär 2005nçe yılda êşkä barudan tuqtıy. Şulay da, ul 15 yılda tulayım 538 meñ yevro xezmät xaqı ala.

İtaliyäneñ Ansa agentlığı xäbärenä qarağanda, xastaxanä xezmätkärenä qarata aldaw, talaw häm xezmät urının naçar niyät belän qullanuda ğayepläp tikşerü êşe açılğan.

Xastaxanäneñ 6 idaräçese dä älege tikşerüneñ êçendä.

Poliśiyä açıqlağança, êşkä yörmäwçe keşe üzenä qarşı diśiplina xisabı açılmasın öçen citäkçesenä yanağan. Älege citäkçe soñınnan layıqlı yalğa kitä, annan soñ kilgän idaräçe isä êşkä yörmäwçe xaqında belmi.