Zelenskiy Putinnı Donbassqa çaqırdı

Ul ike aradağı krizis xaqında söylşüne şunda ütkärergä teli

1625502
Zelenskiy Putinnı Donbassqa çaqırdı

Ukraina däwlät başlığı Vladimir Zelenskiy Rusiyä ilbaşı Vladimir Putin belän Donbassta oçraşırğa täq’dim itte. Ul bu xaqtağı videoyullamasın Feysbukta urtaqlaştı.

Zelenskiy anda Ukraina belän Rusiyäneñ urtaq tarixı buluın, ämma kiläçäkkä törleçä qarawların äytä. Bu xälneñ ul problema bulırğa tiyeş tügellegen, soñğa qalmağanda forsatqa äwereläçägen assızıqlıy.

Zelenskiy Donbass krizisınıñ çişeleşen êzläwçe cıyılışlarda xälne küzallaw häm añlaw öçen bäreleş sızığına barırğa çaqırdı.

“Min här ay baram anda, xörmätle Putin. Tağın barırğa äzer häm sezgä Ukrainanıñ Donbass töbägendä teläsä qaysı ber noqtada oçraşırğa täq’dim itäm,” - di Zelenskiy.



Bäyläneşle xäbärlär