Yañğır 181 keşene alıp kitte

İndoneziyada köçle yawım-töşem kiterep çığarğan su basu häm cir ubılular säbäple ğomere özelüçelär sanı 181gä citte. Könçığış Nusa-Tenggara töbägeneñ viśe-gubernatorı Djozef Naê Soi soñğı êzläw häm qotqaru êşçänlege näticäsendä tağın da kübräk keşeneñ gäwdäsen tabuların belderde.

Djozef tulayım üle sanınıñ 181gä citüen, xäbärsez yuğalğan 48 keşene êzläwneñ däwam itüen äytte.

 Nusa-Tenggara töbägendäge Könçığış Flores, Lembaga häm Alor şähärlärendä 5nçe aprel’dän birle köçle yawım-töşem xakimlek itä. Bu isä su basu häm cir ubılularğa kiterä. Yaqınça 15 meñ öy qullanıp bulmastay xälgä kilä.