Balalar öçen İnstagram kiräkme?

13 yäş’tän keçelärneñ dä älege platformanı qullanuına mömkinlek birüçe yaña versiyäse äzerlänä

1623979
Balalar öçen İnstagram kiräkme?

Sośial’ media programması İnstagramnıñ töp şirkäte Facebook 13 yäş’tän keçelärneñ dä älege platformanı qullanuına mömkinlek birüçe yaña Instagram versiyäse çığarırğa niyätli. Anda reklama kürsätelmäyäçäge häm programmanı balalar öçen imin xälgä kiterü öçen belgeçlär belän kiñäşläşüläre belderelde.

Bu xäbärgä tiskäre reakśiyä belderüçelär bar. 13 yäş’tän keçe balalarnıñ fotoların urtaqlaşa aluçı İnstagramğa oxşağan platformanıñ qullanılışqa äzerlänüe ictimağıy oyışmalarğa oşamadı. Balalarnıñ xoquqların yaqlawçılar Facebook tözüçese Mark Śukerbergqa xat yazıp plannarın ğamäldän çığarırğa çaqırdı. Belgeçlär monıñ sabıylar öçen zur yanaw buluı turında kisätä.



Bäyläneşle xäbärlär