Tizdän öçençe doza kiräk bulaçaq

Koronavirus vakśinası yasatuçılarnıñ 12 ay êçendä öçençe dozağa ixtiyacı tua aluı belderelde

1622575
Tizdän öçençe doza kiräk bulaçaq

Amerikanıñ farmaśevtika şirkäte Pfayzer koronavirus vakśinası yasatuçılarnıñ 12 ay êçendä öçençe dozağa ixtiyacı tua aluın xäbär itte. Firmanıñ citäkçese Al’bert Burla bolay dide: “Mömkin bulğan sśenariyğa qarağanda, 6 belän 12 ay arasında öçençe dozağa ixtiyac tuaçaq häm keşelärneñ här yıl vakśina yasatuı kiräk bulaçaq. Yaña virus törläreneñ çığuı bu qararğa baruda ähämiyätle rol’ uynıy”.

Pfayzernıñ bu belderüe 2 meñnän artıq vakśina qadatqan keşene tikşergännän soñ yasala. Ämma preparatnıñ köçeneñ 6 aydan soñ nindi bulaçağın bilgeläw öçen tağın da kübräk mäğ’lümat kiräk.

Pfayzer häm BioNTex fevral’ ayında virusnıñ yaña variantlarına qarşı immunitet reakśiyäsen tağın da yaxşıraq añlaw öçen Kovid-19 vakśinasınıñ öçençe dozasın sınawların beldergän ide.

“Djonson häm Djonson”nıñ citäkçese Aleks Gorski da keşelärneñ fasılğa bäyle gripp vakśinaları şikelle här yıl koronavirusqa qarşı preparat qadatuları kiräk bula aluın citkerde.



Bäyläneşle xäbärlär