Balalar mäktäptä yanıp ülde

Nigerda däres waqıtında kisäk çıqqan yanğın distälärçä balanıñ ğomeren özä

1620895
Balalar mäktäptä yanıp ülde

Niger başqalası Niameyda ber mäktäptä yanğın çıqtı. Berençel mäğ’lümatlarğa qarağanda, anda 20 uquçınıñ ğomere özelde.

Yanğın balalar därestä utırğan waqıtta çığa. 21 sıynıf bülmäsen ber ük mizgeldä yalqın çolğap ala. Mäktäptän çığarğa ölgermägän 20 bala hälaq bula.

Bik köçle bulğan häm yanğın sünderüçelär dä zur awırlıq belän bastırğan utnıñ säbäpläre tikşerelä.

Niger BMOnıñ 189 däwlättän toruçı Gumanitar üseş indeksında iñ yarlı il bularaq urın ala. Mäğarif tarmağı da monnan ayırılıp tormıy. İldä mäktäplärneñ kübese salam alaçıqlardan ğıybarät. Uquçılar, parta bulmaw arqasında, cirdä utırıp uqırğa mäcbür.



Bäyläneşle xäbärlär