Zelenskiy NATO xärbi komitetı başlığı belän oçraştı

“Ukraina NATOnıñ in yaqın häm ähämiyätle xezmättäşlärennän berse,”-dide Styuart Piç

1616938
Zelenskiy NATO xärbi komitetı başlığı belän oçraştı

Ukraina däwlät başlığı Vladimir Zelenskiy başqala Kiyevqa kilgän NATO xärbi komitetı başlığı general Styuart Piç belän oçraştı. Räsmi çığanaqlardan alınğan mäğ’lümatlarğa qarağanda, Zelenskiy NATOğa “Rusiyäneñ arqadan höcüm itüçänlege”nä qarşı teläktäşlek kürsätüenä räxmät belderde.

Ukraina liderı Donbassta dekabr’ ayınnan birle höcümnär arta baruın häm şul säbäple 20dän artıq xärbineñ ülüen xäterlätte. Ul ileneñ daimi räweştä 2020nçe yılnıñ 27nçe iyülendä tözelgän utnı tuqtatu qararın ütärgä çaqıruın assızıqladı.

NATOdan yasalğan belderügä qarağanda, Piç Zelenskiynıñ Ukrainanıñ könçığışındağı krizisnı tınıç yul belän çişü öçen tırışuın yuğarı bäyäläwlären citkerde.  General Rusiyäne Donbasstağı separatistlarğa yärdäm itüne tuqtatırğa häm qorallı köçlären annan çığarırğa çaqırdı.

“Ukraina NATOnıñ in yaqın häm ähämiyätle xezmättäşlärennän berse,”-dide Styuart Piç.



Bäyläneşle xäbärlär