75 taliban yuq itelde

Äfğanstan saqlanu ministrlığı Kandagarda Talibanğa qarşı operaśiyädä 75 suğışçınıñ üterelüen belderde. Çara Arxanbad rayonında uzdırıla. Näticädä, armiyä cirlektä üz kontrolen urnaştıra.

Monnan tış, Zabul, Nangarxar häm Taxar rayonnarında da Talibanğa qarşı operaśiyälär alıp barıla. Anda da distälägän suğışçı täêsirsez xälgä kiterelgän.

Kandağar poliśiyä idaräsennän belderülärençä, üterelgännär arasında Talibannıñ ähämiyätle komandirları da bar.

Taliban wäkile Zabixullax Mücahid isä üz belderüendä başqala Qabulnıñ Panja Çinar rayonında şartlatqıç quyılğan maşina yärdämendä yaqınça 45 ğaskärineñ üterelüen yäisä yaralanuın, iminlek köçläreneñ bik küp texnikasınıñ yuqqa çığarıluın äytte.