Bangladeşta bazar yandı
Bazar arakanlı möselman qaçaqları yäşägän şähärçek yanında urnaşqan
1613372
Bangladeşta arakanlı möselman qaçaqları yäşägän şähärçek yanındağı bazarda yanğın çıqtı, 3 keşeneñ ğomere özelde.
İrtänge sägät’lärdä Kutupalong lagere yanındağı bazarda çıqqan yanğında berniçä keşe yaralandı, 20dän artıq kiber kölgä äylände.
Yanğın säbäbe älegä bilgesez, yanğın sünderü törkemnäre yanğınnı berniçä sägät’tä sünderde.
Ülgän 3 keşeneñ bazarda êşläwçelär buluı belderelde.
Lager’larda monnan alda da şaqtıy yanğın çıqqan ide.
23 mart könne Balukhali qaçaqlar şähärçegendä çıqqan yanğında 28 keşe yaqtı dön’yadan kitte, kim digändä 40 keşe yaralandı, 10 meñ konteyner kölgä äylängän ide.
