İzraildä yaña mutant-virus çıqtı

Virusnıñ berençe tapqır 2020nçe yılnıñ noyabrendä terkälüe häm xäzergä qadär barı 181 keşedä oçrawı äytelä

1612126
İzraildä yaña mutant-virus çıqtı

İzraildä koronavirusnıñ mutaśiyä kiçergän yaña töreneñ tabıluı açıqlandı. İlneñ sälamätlek saqlaw ministrlığı bu xaqtağı xäbärlärneñ döreslegen rasladı.

Belderüdä älege virusnıñ yoğışlılığınıñ tübän buluı häm awır xastalıqqa kitermäwe, şuña kürä borçılırğa urın qalmawı äytelä.  

İzraildä Pfayzer-Biontex vakśinası qullanıla. Anıñ mutaśiyä kiçegrän törgä qarşı da näticäle buluı kürengän.

Cirle matbuğatta çıqqan xäbärlärdä isä älegä virusnıñ berençe tapqır 2020nçe yılnıñ noyabrendä terkälüe häm xäzergä qadär barı 181 keşedä oçrawı äytelä.



Bäyläneşle xäbärlär