Putin Baydennıñ çaqıruın qabul itärme?
Bayden 23nçe martta 40 dön’ya liderın onlayn klimat sammitına çaqırdı
1611195
Rusiyä däwlät başlığı Vladimir Putinnıñ klimat sammitında qatnaşırmı-yuqmı ikänen açıqlaw öçen waqıtqa ixtiyacı buluı belderelde.
Kreml’ süzçese Dmitriy Peskov AQŞ ilbaşı Djo Baydennıñ älege cıyılışqa çaqıruı xaqında jurnalistlarğa söyläde. Ul Rusiyäneñ Parij klimat kileşüen imzalawın häm Putinnıñ älege mäs’älägä ähämiyät birüenä iğ’tibarnı cälep itte.
“Bu tema möhim. Çaqıru räsmi kanallar aşa yasalğan oçraqta uylanılaçaq,”-dide Peskov häm monıñ öçen waqıt kiräk bulaçağın assızıqladı.
Bayden 23nçe martta 40 dön’ya liderın onlayn klimat sammitına çaqırdı. Ul 22nçe-23nçe aprel’dä uzaçaq.
