Apofis meteoritı 100 yıl buyı bezgä yanamayaçaq

Amerikanıñ Ğaläm häm aviaśiya agentlığı NASA berwaqıt Cirgä kilep bärelüennän qurıqqan “Apofis” meteoritınıñ kimendä 100 yıl yanaw tudırmayaçağın açıqladı. Kük taşınıñ 2029nçı häm 2036nçı yıllarda planetabızğa yaqınlaşaçağı farazlanğan ide. Soñınnan bu fikerlär kire qağıldı.

NASA 2004nçe yılda açılğan “Apofis”nıñ Cirgä iñ az yanaw tudıruçı meteoritlrdan berse buluın beldergän ide. Ämma 2068nçe yılda az ğına borçu tudiraçağı äytelde. Xäzer isä, yaña anlizlar yasalğannan soñ, ul qurqınıçnıñ da yuqlığı açıqlandı.  

NASAda xezmät itüçe Dêvid Farnoçça bolay di: “2068dä bäreleşü turında süz barmıy häm xisaplawlarıbızda kiläse 100 yılda mondıy xäwef kürenmi”.

Borınğı Misırdağı xaos häm qarañğılıq täñrese Apofisnıñ iseme birelgän kometanıñ diametrı 340 metr dip isäplänä. Ul soñğı tapqır 5nçe martta Cirdän 17 million çaqrım yıraqlıqtan uzıp kitte.

Xisaplawlarğa qarağanda, meteorit 2029nçı yılnıñ 13nçe aprelendä planetabızğa 32 meñ çaqrım ara qaldırıp uzarğa tiyeş. Anı Aziya, Afrika häm Awrupanıñ qayber töbäklärennän ğadi küz belän kürep bulaçaq.