Илләр арасында вакцина упкыны / Bay häm fäqıyr’ illär arasında vakśina upqını

Bötendönya sälamätlek saqlaw ğomum direktorı Tedros Adhanom Ghebreyesus bay illärdä qullanılğan “Kovid-19” vakśinası sanı belän fäqıyr’ illärgä vakśinanıñ barıp citüen täêmin itüçe Xalıqara Kovid-19 vakśinaları global’ ireşü programmasınıñ (COVAX) täêmin itkän vakśina küläme arasındağı upqınnıñ här uzğan kön zurayuın äytte.

Ghebreyesus oyışmanıñ Şveyśariyanıñ Jeneva şähärendäge üzägendä video konferenśiya ısulı belän matbuğat oçraşuın ütkärde.

İsemnären äytmiçä qayber illärneñ böten xalıqnı diyärlek vakśinaśiyäläw öçen yarışuın assızıqlawçı Ghebreyesus tübän keremle illärdä isä privivka yasawnıñ äle haman başlamawın belderde.

Kön’yaq Koreyanıñ yuğarı keremle il buluına qaramastan vakśina êşläp çığaruçılar belän ike yaqlı kileşülär tözemäwen häm Xalıqara Kovid-19 vakśinaları global’ ireşü programması “COVAX”tan kiläçäk vakśinalarnı kötüenä iğ’tibarnı cälep itüçe Ghebreyesus Kön’yaq Koreyanı bay illärgä ürnäk itep kürsätte.

Şul uq waqıtta Angliyada Oxford universitetınıñ daru firması “AstraZeneka” belän qamilläştergän “Kovid-19” vakśinasınıñ Amerika Quşma Ştatlarıda däwam itüçe 3nçe faza êşçänlegendä 79% êffektiv buluınıñ bilgelänelüen xäterlätüçe Ghebreyesus bu vakśinanıñ iñ ähämiyätlese "qan oyışuı riskında artunıñ bulmawın” assızıqlap: "Bu mäğ’lümatlär “AstraZeneka” vakśinasınıñ ışanıçlı häm êffektiv buluınıñ başqa ber dälile”, - dip äytte.

Şul arada Bötendönya sälamätlek saqlaw oyışması ğomum direktör urınbasarı doktor Mariangela Simao isä Afrikada hiçber ilneñ “AstraZeneka” vakśinasın kire qaqmawın belderde. Simao, bu vakśinağa qağılışlı qurqınıçsızlıq borçılularınıñ betüen citkerep: "Böten närsä cayğa salındı, Afrika qıytğasında “AstraZeneka”nı kire qağuçı hiçber il yuq”, - dip äytte.