Dronnar yañğır yawdıraçaq

Berläşkän Ğaräp Ämirlekläre yaña proyektın açıqladı

1604568
Dronnar yañğır yawdıraçaq

Berläşkän Ğaräp Ämirlekläre maxsus citeşterelgän dronnar yärdämendä yañğır yawdıraçaq.

Sputnik media oyışması beldergänçä Berläşkän Ğaräp Ämirlekläre yaña proyektın açıqlap, dronnar yärdämendä bolıtlarğa şok täêsire tudırıp, yawım-töşemne arttırırğa planlawın citkerde.  

Yañğır programması belän citäkläwçe Alya al-Mazrui proyekt maqsatınıñ bolıtlardağı êlektr yöge tigezlegen üzgärtü buluın belderde.

Alya al-Mazroui dronnarnıñ Angliyada yasaluın häm Dubayda test itelüen äytte.

İldäge qorılıqqa qaramastan bolıtlarnıñ küp buluın beldergän Mazrui ayıruça “Arab News”ka açıqlaw yasap, dronnarnıñ hawağa êlektrlı ionnar taşıyaçağın äytte.

Qorılıq belän köräşüçe ildä Berläşkän Ğaräp Ämirlekläre xökümäte 2017 yılda 9 yañğır proyektı öçen 15 million dollar byudjet bülep quyğan ide.

Êşçänlek uñışqa ireşkän oçraqta tikşerenüçelär şul uq êşne zur oçqıç belän başqaru öçen kiräkle fond tabunı ömet itülären açıqladı.



Bäyläneşle xäbärlär