Boris Djonson AstraZeneka vakśinasın yasataçaq
Älege vakśinanıñ qannı quyılaştıruı häm ülemnärgä säbäpçe bula aluı farazlana
Angliyä xökümäte räise Boris Djonson Oksford – AstraZeneka vakśinasın qadataçağın belderde. Qayber däwlätlär, qannı quyılaştıruına sıltap, anı qullanunı tuqtatqan ide.
Djonson İctimağıy palatada xökümät räisenä sorawlar utırışında çığış yasadı. Anda näq’menä älege vakśina belän bäyle mäs’älägä iğ’tibar cälep itelde. Djonsonnan küp illärneñ Oksford-AstraZeneka preparatın qadawnı tuqtatu qararı nisbätennän nilär êşläwen soradılar.
Xökümät räise süzen vakśina programmasındağı iskitkeç êşläre öçen Milli sälamätlek saqlaw xezmätenä räxmät belderü belän başladı. Ul üzeneñ çaqırıluın häm tizdän vakśina yasataçağın äytte. “Qadataçağım preparat, hiçşiksez, Oksford – AstraZeneka bulaçaq,”-dide ul.
Älege vakśinanıñ qannı quyılaştıruı häm ülemnärgä säbäpçe bula aluı farazlana. Şul säbäple Franśiyä, Germaniyä, İtaliya, Niderland häm tağın qayber illär, kisätü maqsatınnan, anı qullanunı tuqtattı.
