Notr-Dam öçen 230 yıllıq ağaçlar kiselä

Franśiyädä 2 yıl êlek yanğan sobornı tözekländerü şaw-şu quptardı

1600860
Notr-Dam öçen 230 yıllıq ağaçlar kiselä

Franśiyädä 2 yıl êlek yanğan Notr-Dam soborınıñ manarasın häm tübäsen qabat tözü öçen 230 yıllıq ağaçlar kiselä.

İlbaşı Êmmanuêl’ Makron qorılmanıñ 19nçı ğasırda arxitektor Êjen Violle-le-Dük tarafınnan proyektlanğan 96 metr biyeklektäge manarasınıñ asılına oxşatıp qabat tözeläçägen beldergän ide. Şul nisbättän, yıl başında bilgelängän meñ imän ağaçı kiselä başladı. Ämma aralarında yäş’läre 230ğa citkännäre dä barlığı açıqlandı.

Ağaçlarnıñ kiselüenä bik küp keşe sośial’ media aşa rizasızlıq belderde. Qayber qullanuçılar bu ğamällärne “mäsxärä” dip bäyäläde, ikençeläre isä tabiğat’ne yuqqa çığarunı tuqtatırğa çaqırdı.

Franśiyäneñ mäşhür Notr-Dam soborı 2019nçı yılnıñ aprelendä çıqqan yanğında zur zarar kürgän ide.



Bäyläneşle xäbärlär