BMO: "Bıyıl 190 migrantnıñ ğomere özelgän"

Bıyıl Urta diñgez yünäleşe belän Awrupa yar buylarına barıp citärgä tırışqan 190 qanunsız möhacir häläq’ bulğan

1599130
BMO: "Bıyıl 190 migrantnıñ ğomere özelgän"

Berläşkän Millätlär Oyışması yuğarı komissarlığı häm Xalıqara migraśiya oyışması tarafınnan yasalğan urtaq yazma belderüdä Urta diñgezdä yäşängän soñğı migrant faciğäläreneñ êzläw häm qotqaru êşçänlegeneñ möhimlegen tağın ber qat bilgele itüenä basım yasaldı.

Belderüdä kiçä Tunisnıñ kön’yağındağı Sfaks vilayäte kiñlegendä legal’ bulmağan migrantlar utırğan ike köymäneñ batuı näticäsendä 39 qanunsız möhacirneñ häläq buluınnan zur borçılu citkerelde.

Ülgän keşelärneñ kübeseneñ Kot-d’ İvuardan (Filteşe yar buyınnan) buluı belderelde.

Belderüdä kiçä naçar hawa şartları arqasında tuqtatılıp torılğan qotqaru êşçänlegeneñ äle dä däwam itüe äytelde.

Bıyıl Urta diñgez yünäleşennän Awrupa yar buylarına barıp citärgä tırışqan 190 qanunsız migrantnıñ häläq buluı citkerelgän belderüdä Tön’yaq Afrika illärennän İtaliyağa ayaq basuçılarnıñ da 5 meñ 700gä citüe assızıqlandı.

Xalıqara migraśiya oyışması mäğ’lümatlärenä kürä, bıyıl böten Urta diñgezdä isä legal’ bulmağan 251 migrantnıñ ğomere özelgän, dönya külämendä häläq’ bulğan qanunsız möhacir sanı isä 446ğa citkän.



Bäyläneşle xäbärlär