Cirneñ 1 milliard yıllıq kislorodı qaldı
Tikşerenüçelär atmosferanıñ cılınuınıñ Cirdäge tormışnıñ betüenä kiteräçägen açıqladı
1597422
Amerika Quşma Ştatlarınıñ aviaśiya häm ğaläm agentlığı NASA Qoyaş radiaśiyäseneñ artuı säbäple Cirdä tormış çığanağı kislorodnıñ 1 milliard yıldan soñ betäçägen farazladı.
Agentlıqnıñ tikşerenüendä Cirneñ klimatı, biologik häm geologik sistemaları model’läşterelde. Annan kürengänçä, Qoyaşnıñ cılılığı waqıt ütkän sayın artaçaq. Cılınğan atmosfera uglekislıy gaznıñ tarqaluına kiteräçäk häm näticädä üsemleklär üläçäk. Kislorod çığanağı bulğan yäşellek betkännän soñ Cir tormış öçen yaraqsız xälgä kiläçäk.
Ämma bu prośess aqrın bara, şuña da xäzerge waqıtta köndälek tormışqa täêsir itmi. Kislorod däräcäse Cirdäge tormışqa noqta quyılaçaq qadär azayğançı 1 milliard yıl uzaçağı alğa sörelä.
