Pandemiyä İkençe bötendön’ya suğışınnan köçleräk "cäräxät" yasadı

Belgeçlär pandemiyäneñ psixologik sälamätlektä çağılışınıñ äle bik ozaq waqıt kön üzägendä bulaçağı xaqında kisätte

1596746
Pandemiyä İkençe bötendön’ya suğışınnan köçleräk "cäräxät" yasadı

Koronavirus pandemiyäse säbäple barlıqqa kilgän massaküläm travmanıñ İkençe bötendön’ya suğışınıqına qarağanda tağın da köçle buluı farazlana. Bötendön’ya sälamätlek saqlaw oyışması ğomum mödire Tedros Adxanom Gebreyesus bu xaqta üzeneñ belderüendä citkerde.

“İkençe bötendön’ya suğışınnan soñ, älege waqıyğa küp sanda keşeneñ tormışına täêsir itüe arqasında, massaküläm travma kiçerelde. Koronavirus pandemiyäse isä tağın da kübräk keşeneñ tormışına yoğıntı yasadı,”-dide ul.  

Gebreyesus pandemiyäneñ psixik sälamätlekkä täêsireneñ ozaq yıllar buyınça däwam itäçägen äytte.

Bötendön’ya sälamätlek saqlaw oyışmasınnan êpidemiolog Mariya Van Kerxove da keşelärneñ ruxi xaläteneñ östenlekle buluın assızıqladı häm pandemiyäneñ psixologik sälamätlektä çağılışınıñ äle bik ozaq waqıt kön üzägendä bulaçağı xaqında kisätte.



Bäyläneşle xäbärlär