Aqıllı telefon - yoqısızlıq säbäpçese

Tönge säğat’lärgä qadär êkrannarınnan ayırıla almawçılar, ğadättä, yoqığa kitä almıyça tilmerä, tiz uyana häm köndez xälsez bula

1594682
Aqıllı telefon - yoqısızlıq säbäpçese

Aqıllı telefonnarğa bäylelekneñ yoqığa kitüdä awırsınu, az yoqlaw häm köndez tiz aruğa säbäpçe buluı açıqlandı.

Näticäläre "Frontiers Psychiatry" isemle fänni jurnalda basılğan tikşerenüdä 18dän 30 yäş’kä qadärge meñnän artıq keşeneñ aqıllı telefon qullanuı qarala. Älege cihazğa bäylelekne bilgeläw öçen alarğa 10 soraw birelä. Şuñnan soñ, bu keşelärneñ 40%ınıñ telefonnarına bäyle buluı açıqlana. Cihaznıñ tönge säğat’lärgä qadär qullanıluı da zur külämdä bäylelek bilgese.

Tikşerenüdä telefonnarında ozaqlap utıruçı keşelärneñ yoqı sıyfatınıñ tübän buluı açıqlana. Tönge säğat’lärgä qadär êkrannarınnan ayırıla almawçılar, ğadättä, yoqığa kitä almıyça tilmerä, tiz uyana häm köndez xälsez bula.

Belgeçlär isä êkran fonın sorı töskä üzgärtergä kiñäş itä – bu telefonnıñ qızıqtıru köçen kimetä.

Yoqığa yatqançı karawatta yäisä yoqı bülmäsendä noutbuk, kesä telefonı şikelle cihazlar bulmasqa tiyeş. Teläsä nindi êlektron cihazdan kilgän ut yoqı gormonı sanaluçı melatoninnıñ däräcäsenä yoğıntı yasıy.



Bäyläneşle xäbärlär