Urlanğan qızlar

Nigeriyada liśeydan urlanğan qızlarnıñ 279ı qotqarıldı

1593484
Urlanğan qızlar

Nigeriyanıñ Zamfara töbägendä 26nçı fevral’dä qorallı keşelär urlap kitkän uquçı qızlarnıñ 279ınıñ qotqarıluı bilgele buldı. Bu xaqta cirlekneñ gubernatorı Bello Möxämmät Matawalle xäbär itte. Anıñ äytüençä, balalarnıñ xäle häm sawlığı yaxşı. Gubernator uquçı qızlarnı niçek qotqaruları xaqında mäğ’lümat birmäde.

Keşe urlawçı bandanıñ qulında tağın 31 bala bar. Alarnı qotqaru öçen êşçänlek däwam itä.

Qorallı törkem 26nçı fevral’dä irtänge säğat’lärdä qızlar liśeyına höcüm itep, 317 uquçını alıp kitkän ide. 7 bala banditlardan qaçıp qotıldı.



Bäyläneşle xäbärlär