Amazon tropik urmannarın sata başlağannar

Satuğa quyılğan mäydannarnıñ qayberläre meñ futbol qırı zurlığında

1592461
Amazon tropik urmannarın sata başlağannar

Braziliyada Amazon tropik urmannarınıñ aborigennar yäşi torğan saq astındağı mäydannarın sośial’ mediada satuğa çığaruları açıqlandı. Ağaçlarnı yandıruçı keşelär älege cirlärne awıl xucalığı qırları bularaq täq’dim itä.  

Feysbuknıñ säwdä xezmätläre kürsätüçe Marketplace quşımtasında satuğa quyılğan basularnıñ qayberläre meñ futbol qırı zurlığında. Sośial’ media citäkçelege cirle wäqalätlelär belän xezmättäşlek itärgä äzer buluın äytsä dä, cir satularnı üz qararı belän çikläwgä uñay qaramıy. Ul barı üz qul astındağı säwdä mäydanına aluçı häm satuçılarnıñ “qanun häm tärtiplärgä kürä xäräkät itüläre kiräklege” xaqında belderü östi. Cirlektäge aborigennar isä Feysbuknı qanunsız satularğa kirtä bulırğa çaqırdı.

Tabiğat’ne saqlaw oyışmaları Braziliyä xökümäteneñ Amazon urmannarın satularnı tuqtatu mäs’äläsendä berni êşlämäwenä rizasızlıq belderde.



Bäyläneşle xäbärlär