Urlanğan qızlardan 7ese qaçtı

Alar qorallı keşelär belän urmanda barğanda qaça

1591674
Urlanğan qızlardan 7ese qaçtı

Nigeriyaneñ Zamfara vilayätendä kiçä oyıştırılğan höcümdä urlanğan 317 qız baladan 7eseneñ qaçıp, qotıluı belderelde.

Milli matbuğatta çıqqan xäbärlärdä uquçılarnıñ qorallı keşelär belän urmanda barğanda qaça aluı häm ğaiälälärenä qawışuı citkerelde.

Zamfara vilayät’ başlığı älege waqıyğadan soñ barlıq mäktäplärneñ yabıluın açıqladı.

“Xalıqnı tınıç bulırğa häm bu wazğıyät’ne säyäsi maqsatlarğa ireşü öçen qullanırğa teläwçelärneñ naçar niyätenä qarşı torırğa çaqıram. İnşallah kollektiv täwäkkällelegebez yärdämendä bez ciñep çığaçaqbız,” – dide ul.

Vilayät’ başlığı urlanğan uquçılarnıñ qotqarıluı öçen êşçänleklärneñ başlatıluın äytte.

Qorallı keşelär kiçä irtänge sägät’lärdä Zamfara vilayäendäge Jangebe töbägendä ber internatka höcüm oyıştırıp, 317 uquçı qız balanı urlağan ide.



Bäyläneşle xäbärlär