Yähüd yäş'läre fälästinlelärne küralmıy

Alarnıñ watandaşlıqtan mäxrüm itelüen teläwçelär dä şaqtıy

1589015
Yähüd yäş'läre fälästinlelärne küralmıy

Soraştırularğa qarağanda, yähüd yäş’läreneñ zur öleşe İzraildäge fälästinlelärne küralmıy häm alarnıñ watandaşlıqtan mäxrüm itelüen teli.

Basıp alınğan Könçığış Qudüstäge İvrit universitetı 16 belän 18 yäş’lär arasındağı 1100 keşe qatnaşqan ictimağıy tikşerenüneñ näticäläre belän urtaqlaştı. Ul uzğan yılnıñ may-iyül’ aylarında uzdırıla. Annan kürengänçä, ul’tra –pravoslav yähüd yäş’läreneñ 66%ı, dini yähüdlärneñ 42%ı, dön’yawilarnıñ 24%ı İzrail watandaşı fälästinlelärne küralmawın belderä. Monnan tış, ul’tra-pravoslavlarnı da kertep, dindar izraillelärneñ 49%ı, dön’yawilarnıñ isä 23% fälästinlelärneñ İzrail watandaşlığınnan çığarıluı kiräklegen citkerde.

Bu ğına da tügel. Yähüdlär äle üzara da tınışmıy. İzraildäge dön’yawi yäş’lärneñ 23%ı ul’tra-pravoslav yähüdlärne küralmawların äytä.

İzrail watandaşlığı alğan fälästinlelär ildäge xalıqnıñ yaqınça 21%ın alıp tora. Alarnı wäkillek itüçe partiyälärdän toruçı Urtaq ğaräp isemlege blogı 120 urınlı parlamentta 15 xalıq ışanıçlısına iyä.



Bäyläneşle xäbärlär