Äfğanstanda tınıç xalıq ülemnäre

İldä uzğan yılnı 3 meñnän artıq watandaş üterelde

1589090
Äfğanstanda tınıç xalıq ülemnäre

Berläşkän Millätlär Oyışmasınıñ Äfğanstanğa yärdäm kürsätü missiyase UNAMA tarafınnan yasalğan açıqlawğa kürä uzğan yılnı Äfğanstanda oyıştırılğan höcümnärdä 3035 grajdannıñ ğomere özelde, 5785 watandaş yaralandı.

Bu höcümnärneñ 45%ınıñ turıdan maqsat alınıp, oyıştırıluına iğtibar cälep itelgän açıqlawda yaqtı dön’yadan kitüçelärneñ 43%ınıñ bala-çağa häm xatın-qızlardan toruı assızıqlandı.

Äfğannar arasındağı söyläşülärneñ 12 sentäbr’ könne Qatar başqalası Doxada başlanuı belän höcümnärneñ artuı urın alğan açıqlawda höcümnärneñ 46%ınnan Taliban, 8%ınnan DEAŞ terror oyışması, 24%ınnan däwlät köçläre cawaplı totıldı.

Açıqlawda UNAMAnıñ soñğı 7 yıl buyı Äfğanstanda ülemnär belän bäyle xisap äzerläwe belderelde, bu waqıt êçendä här yıl urtaça 3 meñnän artıq watandaşnıñ ülüe citkerelde.

Açıqlawda ülemnärne buldırmas öçen Äfğanstanda utnı tuqtatu taläp itelde.

UNAMAnıñ açıqlawın kire qağuçı Taliban isä çın cinayät’çelärneñ yäşerelüen däğwa itte.

Taliban grajdan ülemnäreneñ kübeseneñ çit il köçläre höcümnärenä bäyle buluın citkerde.



Bäyläneşle xäbärlär