Qartayunı tuqtatuçı daru tabıldı
Yaponiyä ğalimnäre uylap tapqan yäş'lek preparatı tizdän qullanılışqa kerergä mömkin
Yaponiyädäge fän ähelläre gäwdäneñ qartayğan küzänäklärdän qotıluına yärdäm itüçe mexanizmnı taptı.
Tokio universitetınnan professor Makoto Nakanisi yaña texnologiyäneñ nigezendä organizmnıñ inde bülenmäwçe, ämma yalqınsınu häm qartayuğa kiterä aluçı qart küzänäklärdän çistarınu buluın söyläde.
“Ägär bu küzänäklär yuq itelsä, alar kiterep çığaruçı yalqınsınu prośessları tuqtatılırğa mömkin, şulay itep qartayunıñ simptomnarında ähämiyätle yaxşıru täêmin iteler,”-di belgeç.
Tikşerenülär kürsätkänçä, qartayğan küzänäklärgä GLS1 fermentı kiräk. Bı alarğa isän qalırğa yärdäm itä. Älege fermentnı tormozlawçı ingibitor yärdämendä yalqınsınu kiterep çığaruçı küzänäklärne yuq itärgä mömkin. İngibitor bularaq isä klinik sınawlardan uzğan yaman şeşkä qarşı preparatnı qullanırğa bulalar. Yaman şeş küzänäkläreneñ artuı da GLS1 fermentına bäyle.
Belgeçlär tıçqannarda ütkärelgän täcribälärneñ uñışlı ütüen belderä. Qartayuğa qarşı preparatnıñ tizdän satuğa çığaçağın farazlıylar.