Pensioner par yawlıqlı xanımnı qıynadı

Höcümçelärneñ 65 häm 66 yäş’tä buluı açıqlandı

1585664
Pensioner par yawlıqlı xanımnı qıynadı

Daniyädä 30 yäşendäge başı yabulı ber xatın-qız pensiyä yäş’lärendäge parnıñ höcümenä duçar buldı. Möselman xanım başqala Kopengagennıñ bistäse Söborgta irtän tözeleş kibetenä bara. Parkovkağa maşinasın quyarğa mataşqanda ölkän yäş’täge xatın-qız üz maşinası belän anıqına 4-5 tapqır bärderä. Şul arada kibettän çıqqan iren dä möselman xanımğa qarşı qotırta. İr-at aña yaqınlaşıp sügenä häm yawlığına tökerä. Soñınnan ikese bergä möselman xanımnı qıynıy başlıylar. Bäxetkä, kibettän başqa beräw çığıp agressiv parnı ayırıp ala.

Höcümçelärneñ 65 häm 66 yäş’tä buluı açıqlandı. Alarnı tärtip saqçıları totıp alıp kitkän. Könbatış Kopengagen poliśiyäse parnı xäzergä köç qullanuda ğayepli. Alarğa yanaw häm vandallıq ğayepläwläre dä östälerme – monısı tikşerüdän soñ bilgele bulaçaq.

Möselman xanım üzenä höcüm itüçelärneñ rasaçılıqta ğayeplänmäwenä rizasızlıq belderde.



Bäyläneşle xäbärlär